LO SYEL
Lo van siklonn i klak an pok
Lardér la lav i mont an gout asid
Ban’n larm la pli i pik la tér
Parèy zégui.
Loraz i pèt an bonm
Dan’n lèr Nagazagi
Zéklér la ral rido niyaz
Pou fann la limyér
Kom in kou’d sab dan’n fénwar.
Lo tan lé nwar an sarbon
Lo syèl la fon’n dan la mér
Lorizon la pli an lastik
Li ral si larkansyèl
Pou déplway son palèt mazik.
Lo grin solèy la rèt bloké
Dan’n dra mouton koton mouyé
Loréol i komans formé
Dési ban’n tèt piton kas pat an pok