LE CIEL EN FUSION

Le vent fouette et claque

Les vapeurs de lave montent en gouttes acides

Les larmes de pluie piquent la terre

Telles des aiguilles.

L’orage explose en bombes

Venues de Nagasaki

L’éclair derrière le voile des nuages

Disperse la lumière

Comme un cri dans la nuit.

Paysage noir en charbon

Ciel fondu dans la mer

Horizon plié en élastique

Qui tire sur l’arc en ciel

Pour montrer sa palette magique.

Les grains de lumière restent coincés

Dans les draps de mouton

En coton mouillé

L’auréole se forme peu à peu

Sur les pitons et les pics abrupts.

LO SYEL LA FON’N

Lo van siklonn i klak an pok

Lardér la lav i mont an gout asid

Ban’n larm la pli i pik la tér

Parèy zégui.

Loraz i pèt an bonm

Dan’n lèr Nagazagi

Zéklér la ral rido niyaz

Pou fann la limyér

Kom in kou’d sab dan’n fénwar. 

Lo tan lé nwar an sarbon

Lo syèl la fon’n dan la mér

Lorizon la pli an lastik

Li ral si larkansyèl

Pou déplway son palèt mazik.

Lo grin solèy la rèt bloké

Dan’n dra mouton koton mouyé

Loréol i komans formé

Dési ban’n tèt piton kas pat an pok

Mi ésèy ékri in maksimom poèm an kréol.

Lé mil fwa pli fasil ke kan té i obliz amwin ékri an fransé lékol.

Astér, mi pran plézir ékri tout la zourné.

Dé trwa i di amwin tèl mo i ékri pa kom sa oubyin tèl grafi lé pa bon, mé mwin lé pa la èk sa mwin. Lo prinsipal sé ke mi ékri dan mon lan'ng. In lan'ng lé oral avan tou. La nou ésèy ékri in paké komsa ban'n marmay la pwin la sans koz kréol zot kaz va gin'y apran'n par zot minm.

Mé sirtou, nou dwa ékri pou lès in tras nout pasaz, lo pasaz nout lan'ng èk nout kiltir réyoné si la tér nout zansèt. Sèt i pas son tan lans ban'n polémik dési litilizasyon in grafi oubyin in not, li la pa konpri gran soz.

Zordi in bon zour pou fé pas in mésaz lamour. Nout ban'n frér maoré lé pyétiné isi minm. Anou kréol, nou krwa nou lé méyér, nou lé pli zoli, nou lé pli intélizan, solman sa i rapèl pa zot riyin?

Mazinn aou koman do moun i wa nou kan nou sa viv an Europe, sirtou an Frans. Ban'n na i konsidér anou souvan kom mwin zoli, mwin intélizan: laba sé nou le Komor.

I fo pa nou oubli ban'n Maoré ban'n Malgas, ban'n Komor sé nout ban'n kouzin atér la minm.

In bon pé kréol nana zansèt malgas oubyin afrikin. Défwa nou pans ban'n kaf Lafrik la lé pli ba ke nou.

Rouv byin lo zyé!

BABA NIYAZ

Niyaz avèk brouyar

I désan’n si la montay

Zot i koul an vwal blan

Otour kaskad Sodron.

Pik Adan la disparèt

La tourn an ki’d ta bwèt

Ziska piton Bwa’d Nèf

I dor dan’n in pay koton.

Lér lé fré lé dou

Lo’p ti van lé glasé

La rozé la mouy partou

Pangar pou pa glisé.

Par an ba la mér lé nwar

I fé pér ziska

Li apa lwin arzwin’n brouyar

Pou fé nèt in’n ti baba

In’n ti marmay do lo

In farinn pou nou aswar.

NUAGES ET BRUMES

Nuages et brumes

Glissent sur la montagne

Ils se fondent en voile blanc

Sur la cascade du Chaudron.

Le Pic Adam s’en est allé

Il a perdu sa raison d’être

Le piton du Bois de Nèfle

S’est endormi dans le coton.

L’air est frais et doux

Le vent léger est glacé

La rosée est partout

Prends garde à ne pas glisser.

En bas la mer est noire

D’un noir inquiétant

La brume avance pas à pas

Pour s’accoupler avec la mer

Qui le soir même va mettre bas

Une farine d’enfant d’eau.

(Karl B.)

  Aimé Césaire la parti.

  Ban'n tamtam dan'n bor Lafrik

  I plér an gorzé larm dou amér

  Ban'n marmay la po sarbon

  Ban'n gramoun sové pwav

  I larg romans an priyér lamour

  Pou nout frér Martinik

  Pou nout granpér Lafrik.

Aimé Césaire la parti.

<a href="http://www.thebookedition.com/stats_banniere.php?action=clic&id=2987"><img src="images/template/acheter-mon-livre-sur-thebookedition.png" alt="Acheter POEMES CREOLES" border="0"/></a><img src="http://www.thebookedition.com/stats_banniere.php?action=affichage&id=2987" width="0" height="0">