A tunisian

التونسي و العوج عشرة سنين.. أما هل أيامات كثر

تلقاه عامل اعتصام تسئلوا علاش 

يقلق باش انحيو الأكتاف

وبعد يلوج عل شكون يدبرلوا خدمة لواحد من أصحابوا

يقلق باش انحيو الرشوة

وكي يشدوا بوليس يمدلو 20 دينار ويتعدى

يقلك باش يتحاسبوا رموز الفساد

وكي باش يحاكموا القبي

يقول كيفاش؟؟ مايجيش

هاذاكا إنسان نظيف وشريف

ويوكل في المساكين 

ويخدم في الألوف

وهذا خاطر فاما واحد يعرفوا يخدم عندوا

يقلك نحبوا استقلال القضاء

بعد يعملك اعتصام قدام المحكمة باش يسيبوا فلان

ولا يحكموا على فلتان بالإعدام

يقلك جيشنا ضعيف

ولازمنا نردوه قوي

كي يبدى الرافل يتخبى في الدار

وكي يتشد يبدى يحاول باش يخلص ويفصع

ولا يوصل يقلهم ماهوش راجل

يقول مرجنا البوليس فالمهرجانات والملاعب

وفين ما نتلفتوا نلقاوهم

كي جبدو رواحهم الحاكم

يقلك أمن مفقود

وآش معناها مايحمينيش 

كي نمشي نحضر للمسرحية متع الهادي ولد باب الله

ولا كي نمشي نتفرج في ماتش

يحب يعتصم في القصبة

ومايخاليش التجار غادي يخدموا

أما يتنرفز كي يلعبوا ولاد الحومة قدام داروا

التونسي والعوج عشرة عمر

وأنا تونسي كيفي كيفك

<a href="http://www.blogoutils.com/" target="_blank" title="Compteur pour blog gratuit"><img src="http://www.blogoutils.com/compteur-pages-jamais-4-ff0000-2.gif" alt="Compteur pour blog gratuit" style="border:none;" /></a>