MON FRER KOMOR
Mon frér Komor
Mon kouzin Maoré
Azot minm la fyérté
Ban'n nasyon pyétiné
In lan'ng pou in pèp
In kozé in langaz
In manzé in bondyé
Dan'n krwazé zot déstiné.
Mon frér Komor
Mon kouzin Maoré
Dan'n in péi la pi la koulér
Do moun i ogard azot an travér
I fé gro bous i koz par déryér
Kom si la pèst la lèp té kolé
Si zot po la koulér mon léspwar
Dan'n mon péi
Léspwar la pwin la po nwar.
Mon frér Komor
Mon kouzin Maoré
Dan'n mon péi tout nasyon mélanzé
La pwin la tras i paré
Ban'n rasis réyoné
Mé pourtan
La pwin la plas pou in moun
La po lé tro fonsé
Komor par si Komor par la
Sakin'n son sakin'n may pa.
(Karl)