poésiecréole

KISA I DI?

Kisa i di ankor soubik?

Amwin mi di tant

In bon pé i larg an panyé.

Kisa i manyé ankor totos?

Dopi Léonis pétèt…

Mé in paké i sobat èk mérd.

Kisa i saroy ankor la sab ?

Amwin mi sa rod dan'n la rivyér

Dé trwa i may an maskilin.

Kisa koméla i mèt mayo?

La fini ! nout tout i ral an slip

Si la pa déza an strin'ng.

Kisa koméla i ral lo kont ?

Asé èk sa !

Astér nou batay, nou dispit.

Kisa koméla i manz koson ?

Ah wè !

Vo myé in'n ti por karamèl.

 (Karl BEGUE)